Mopapa Francis o tsoela pele ho etela libaka tse ka Boroa ho Afrika

Ka nyakallo, Mak'hatholike a likete tse makholo le Bakreste ba bang ba Mozambique le liprofinseng tsa boahelani tse ka Boroa ho Afrika ba amohetse Mopapa Francis ho Mozambique moo a fihlileng ka Laboraro, leotong la hae la pele la ho etela Afrika.

Mopapa o se a etela Mozambique, Madagascar le Mauritius ho fihlela ka Labobeli bekeng e tlang, ha a tla phethela leeto lena Afrika Boroa, ketelo ea bone kontinenteng ea Afrika esale a khethoa ho etella pele Kereke e K'hatholike.

Litlaleho li boletse hore Ntate ea Halalelang o ile a etsa lithapelo Mozambique nakoana pele a tloha ho leba Madagascar, naha ea lihlekehleke e Leoatleng la India e bohōle ba lik'hilomithara tse 250 ho tloha lebopong la Afrika.

Mopapa o lebelletsoe ho ntšetsa pele leeto la hae la linaha tse tharo ho ea ka Boroa ho Afrika ho rarolla bofuma bo fetelletseng le litsela tse betere tseo linaha tsena tsa Afrika li ka sebelisang lisebelisoa tsa tsona ho tlisa nts'etsopele ho batho ba tsona.

Vatican e re leeto la mopapa Afrika ke "Leetong la Tšepo, Khotso le Poelano".

Batho ba makholo a likete ho pholletsa le Afrika e ka Boroa ba latela ketelo ea mopapa Mozambique ka liteishene tsa lehae le tsa machabeng, likoranta le litaba tse ling, ha ba bang ba ne ba tsoa linaheng tsa boahelani ho ea Mmisa o Halalelang Maputo.

Tanzania, matšoele a batho ho kenyeletsoa bacha, basali le banna ba bokane libakeng tse fapaneng, ho kenyeletsoa le liholo tsa boithabiso, ho shebella ketelo ea Mopapa le Mozambique.

Ke ketelo ea bobeli ea Ntate ea Halalelang Afrika, Boroa ho Sahara kamora ketelo e joalo Kenya, Uganda le Central African Republic lilemong tse ka bang nne tse fetileng.

Kereke e K'hatholike ke setheo se etelletseng pele ho fana ka thuto le litšebeletso tsa bophelo ho batho ba tsoang Tanzania ho ea liprofinseng tse ling tsa Afrika e ka Boroa.